Loretta Martin

Loretta Martin, grupo galego formado no ano 2002, como un proxecto musical que pretendía desenvolver un estilo próximo ao rock e ao blues, tendo como principais influencias a bandas anglófonas dos sesenta e setenta como os Rolling Stones, Steve Miller Band ou os Beatles. Toma o seu nome dun personaxe da canción Get Back deste último grupo. No ano 2003, coa incorporación de novos membros, a banda vai abrindo o abano das súas referencias, e comeza a experimentar sons máis próximos ao funk e ao rock contemporáneo, con certas influencias da Música Popular Brasileira. A influencia do funk (especialmente Tim Maia e Jamiroquai), sobresae e gaña peso, pasando a banda a desenvolver un estilo característico mestura de funk e rock.

No ano 2004 a banda sofre importantes cambios, con saída dalgúns membros e a incorporación do batería Iago Otero. Nese ano a banda aumenta a súa actividade e, ademais de gravar unha maqueta, chega a dar máis de trinta concertos por toda a Galiza, así como a participar en distintos certames. Quedan semifinalistas do concurso "Novos Talentos" de Arousa, e segundos no "Campus Sons", un concurso de rock universitario. A segunda praza do "Campus Sons" válelles a participación, con dous temas, no recopilatorio do concurso "Campusons. Rock universitario en galego Vol. 1", xunto cos outros finalistas: Javier Ferreirós, Kastomá e Fai Tun Flai.

No ano 2006 gravan e dan á luz o seu primeiro traballo: Paraiso distante, editado por Falcatruada. Durante a gravación do disco Ion Rivero sae da banda, co que fican coa formación actual: Brais Morán (voz e guitarra), Fran Sanz (baixo) e Iago Otero (batería).


E agora deixovos unha presentación sobre myspace, xa que en case todas as entradas deixarei un link ao myspace do grupo do que fale.

Myspace

View SlideShare presentation or Upload your own.


http://www.myspace.com/lorettamartin

http://www.lorettamartin.net/